Një e mitur është arrestuar të hënën në Pejë, pasi dyshohet se ka tentuar të sulmonte një të mitur tjetër me thikë. Policia e Kosovës ka njoftuar se mjeti i mprehtë është sekuestruar pas incidentit, ndërsa e dyshuara është liruar pas intervistimit, me vendim të prokurorit, në procedurë të rregullt.

Rasti është regjistruar si “Armëmbajtje pa leje dhe sulm”. Sipas raportit të Policisë, ngjarja ka ndodhur më 23 dhjetor 2024, rreth orës 10:10, ku e dyshuara ka tentuar të sulmonte fizikisht një viktimë tjetër, gjithashtu të mitur, me thikë. Policia e ka trajtuar rastin dhe ka kryer veprimet e nevojshme ligjore, ndërsa vazhdon hetimi.