Ish-kryeministri Sali Berisha ka shprehur mendimin e tij për ish-liderin e Partisë Socialiste, Fatos Nano, duke e vlerësuar për respektin që tregoi ndaj verdiktit të qytetarëve. Në një intervistë televizive, Berisha theksoi se, pavarësisht pikëpamjeve të ndryshme mes tyre, Nano kishte një cilësi të rëndësishme si politikan, duke respektuar vullnetin e popullit.

“Fatos Nano faktoi se, pavarësisht faktit që ai e vlerësonte veten si i papërgjegjshëm dhe i tillë ishte, ai ruante në thellësinë e ndërgjegjes së tij gjënë më të çmuar, vendimin për të respektuar verdiktin e qytetarëve,” deklaroi Berisha.

Ish-kryeministri shtoi se ky respekt për verdiktin e qytetarëve e dallon një politikan të përgjegjshëm nga ata që nuk e respektojnë këtë vullnet, duke përmendur Enver Hoxhën dhe Edi Ramën si figura që kanë abuzuar me këtë drejtim.