Një 54-vjeçar është arrestuar në flagrancë në Kamëz pas kanosjes së bashkëshortes dhe fëmijëve të tij, duke i kërcënuar se do t’i digjte me benzinë dhe më pas duke vënë zjarrin në banesë. Ngjarja ndodhi në rrugën “Tuk Jakova”, ku policia reagoi menjëherë pas marrjes së njoftimit dhe organizoi operacionin për të vënë para drejtësisë autorin.

Shtetasi B. D., dyshohet se ka kanosur familjarët e tij dhe ka shkaktuar zjarrin në banesë, nga i cili fatmirësisht nuk ka pasur viktima, por vetëm dëme materiale. Policia ka ndaluar autorin dhe ka kaluar materialet procedurale për veprime të mëtejshme në Prokurorinë e Tiranës.