Greqia është goditur nga një valë lëkundjesh sizmike gjatë javës që u mbyll, ndërsa vetëm mëngjesin e sotëm, rajoni jugor i vendit u shkund nga gjashtë tërmete radhazi me forcë zbritëse. Sipas njoftimeve, nuk ka pasur viktima apo dëme materiale.

Tërmeti i parë ra në ishullin e Kretës, ndërsa banorët e Karpathos dhe Atikës u tronditën, duke përfshirë edhe më shumë ishullin e Dodekanezit. Instituti Gjeodinamik i Observatorit Kombëtar të Athinës njoftoi se mëngjesin e sotëm, një tërmet me magnitudë 4.2 ballë i shkallës Rihter ka ndodhur në orën 02:15, 28 kilometra në jug të Karpathos dhe rreth 435 kilometra në juglindje të Athinës.

Pas këtij tërmeti, një lëkundje tjetër e fortë, me magnitudë 4.4 Rihter, u regjistrua në orën 10:02 në zonën jugperëndimore të Karpathos, ndërsa epiqendra ndodhej 24 kilometra në lindje-verilindje të Zakros në Kretë. Kjo pasoi me një pasgoditje të intensitetit 3 Rihter, ndërsa një tjetër lëkundje e lehtë u regjistrua në Athinë më vonë gjatë ditës.

Megjithatë, edhe pse lëkundjet në Atikë nuk ishin të forta, ato shqetësuan banorët e lagjeve me popullsi të dendur. Disa tërmete të tjera u regjistruan gjatë kësaj jave në Atikë, Patra, dhe madje edhe në Qipro. Sipas ekspertëve, këto lëkundje janë pjesë e një aktiviteti sizmik më të gjerë në rajon.