Bruce Willis dhe Emma Heming po festojnë 17 vite dashuri, një moment që këtë vit vjen i mbushur me emocione të ndryshme për çiftin. Emma Heming ka ndarë një mesazh prekës në rrjetet sociale, duke reflektuar mbi rrugëtimin e tyre të përbashkët dhe sfidat që po përballen aktualisht.

Çifti, i cili nisi lidhjen në vitin 2007 dhe kurorëzoi dashurinë e tyre në vitin 2009 në një ceremoni të paharrueshme në Turks and Caicos, po përballet me sfidën më të madhe deri tani: përkeqësimin e shëndetit të Bruce Willis, i cili është diagnostikuar me demencë frontotemporale. Aktori është tërhequr nga jeta publike dhe profesionale, duke marrë kujdesin dhe mbështetjen e plotë nga familja e tij.

Në një postim në Instagram, Emma Heming ndau një fotografi të tyre nga një moment i bukur në të kaluarën, me perëndimin e diellit në sfond. Në përshkrimin prekës të postimit, ajo shkroi: “17 vite nga ne. Dikur përvjetorët sillnin emocione, tani të them të drejtën më prishin të gjitha emocionet, duke më lënë një rëndim në zemër dhe një zbrazëti në stomak. I jap vetes 30 minuta për të menduar ‘pse ai, pse ne’. Pastaj e shkund dhe kthehem në atë që është. Dhe çfarë është… Është dashuri pa kushte. Ndihem e bekuar që e njoh dhe kjo është për shkak të tij. Do ta bëja përsëri këtë gjë.”

Mesazhi i Emmës është një dëshmi e forcës dhe dashurisë së pakushtëzuar, që vazhdon të mbajë të bashkuar këtë çift në mes të sfidave më të mëdha të jetës. Fansat dhe ndjekësit e tyre kanë shpërndarë mesazhe mbështetjeje dhe dashurie për familjen Willis në këtë përvjetor të veçantë.