Një ngjarje e rëndë është shënuar në Tropojë, ku një 27-vjeçar ka përfunduar në spital pas një vetëplagosjeje aksidentale me armë zjarri.

Sipas njoftimit zyrtar të Policisë së Tropojës, i riu, i identifikuar si A.A., banues në Margegaj, ka mbërritur në spital për ndihmë mjekësore me plagë të shkaktuara nga armë zjarri.

Nga deklarata paraprake e dhënë për autoritetet, A.A. ka pohuar se plaga është shkaktuar aksidentalisht nga pakujdesia gjatë përdorimit të armës.

Grupi hetimor ndodhet në vendngjarje dhe po punon për të sqaruar plotësisht rrethanat e incidentit dhe për të dokumentuar ligjërisht rastin. Ndërkohë, gjendja shëndetësore e 27-vjeçarit raportohet të jetë jashtë rrezikut për jetën.