Dy persona të dënuar me vendim gjykate, janë arrestuar nga policia e Tiranës gjatë 24 orëve të fundit.
Specialistët për Hetimin e Krimit Financiar dhe Ekonomik ndaluan Arben Kacos, 52 vjeç, ( i kapur nga sherbimet e Policisë Kavajë) pasi Gjykata e Shkallës së Parë Tiranë, e ka dënuar me 4 vite burg, për veprën penale “Fshehja e të ardhurave”.
Në pranga ra edhe Mario Prenga, 25 vjeç, sepse Gjykata e Rrethit Gjyqësor Tiranë, e ka dënuar me 6 muaj burg, për veprën penale “Falsifikimi i letërnjoftimeve, pasaportave apo vizave”.
Ndërkaq shtetasi M. Q., 43 vjeç u arrestua pas denoncimit të bashkëshortes së tij, pasi ka ushtruar dhunë fizike dhe psikologjike ndaj saj.
Ndërsa I. H., 17 vjeç dhe E. L., 19 vjeç u arrestuan nga policia, pasi në Yrshek, për motive të dobëta, kanë goditur me një mjet prerës shtetasin e mitur me iniciale A. Ç., 17 vjeç, i cili ndodhet në spital, nën kujdesin e mjekëve;
Një 23 vjeçar, me inicialet J. N., gjatë natës në Astir, ka vjedhur mjetin tip “Toyota” dhe më pas e ka shitur për skrap.
I riu me inicialet D. Gj., 28 vjeç, u kap duke drejtuar mjetin pa lejen përkatëse. Gjithashtu ky shtetas ka qenë i shpallur në kërkim për veprën penale “Mashtrimi”.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
