Mbrëmjen e sotme, në lagjen Kiras në Shkodër, janë raportuar të shtëna me armë zjarri. Sipas informacioneve paraprake, një automjet tip Peugeot, në pronësi të shtetasit Elvis Hoxha, është qëlluar me 4 plumba pistolete. Nga këqyrja e kryer, është konfirmuar vetëm dëmtimi i automjetit dhe dëmtimi i lehtë i një tjetër automjeti të parkuar afër.

Në këtë incident, nuk raportohet për persona të lënduar. Policia e Shkodrës ka shkuar menjëherë në vendngjarje dhe ka nisur hetimet për të sqaruar rrethanat dhe për të identifikuar autorët. Sipas burimeve, autori ka qëlluar me armë në drejtim të automjetit duke lëvizur me një motomjet pa targa.

Policia ka ngritur pika kontrolli dhe po kryen kontrolle në zonë, për të kapur autorin dhe personin që e shoqëronte, drejtuesin e motomjetit. Hetimet janë në vazhdim për të zbardhur ngjarjen dhe identifikuar autorët e mundshëm.