Një aksident tragjik ndodhi mëngjesin e së dielës në aksin rrugor “Cërrik-Gramsh”, ku një automjet tip “Benz”, i drejtuar nga një 70-vjeçar, përplasi një 75-vjeçar që po udhëtonte me biçikletë.

Si pasojë e përplasjes, shtetasi F.B., 75 vjeç, ndërroi jetë në vendngjarje.

Drejtuesi i automjetit u arrestua në flagrancë nga autoritetet dhe materialet procedurale i janë referuar Prokurorisë për veprime të mëtejshme ligjore.

Policia ka nisur hetimet për të zbardhur shkaqet dhe rrethanat e plota të aksidentit.