Një aksident rrugor ka ndodhur këtë të diel në fshatin Fishtë, Lezhë, në aksin dytësor që lidh këtë zonë me autostradën Lezhë-Shkodër.

Nga përplasja mes një furgoni dhe një makine tip “Golf”, është plagosur drejtuesi i furgonit, i cili është transportuar me urgjencë në spital për ndihmë mjekësore.

Ndërkohë, drejtuesi i makinës tip “Golf”, i cili ishte një prift, fatmirësisht nuk ka pësuar lëndime.

Policia ndodhet në vendngjarje dhe po punon për të zbardhur shkaqet dhe rrethanat e aksidentit.