Një incident i rëndë ka ndodhur gjatë garës prestigjioze “Dakar Rally”, ku është përfshirë piloti i njohur spanjoll Carlos Sainz Sr. Makina e tij, e drejtuar në bashkëpunim me Lucas Cruz, është përmbysur gjatë një segmenti të vështirë në pistat me rërë.
Sipas mediave spanjolle, fatmirësisht Carlos Sainz Sr. dhe bashkëpiloti Lucas Cruz nuk kanë pësuar asnjë dëmtim serioz. Të dy pilotët, megjithë përmasat e aksidentit, kanë qenë në gjendje të mirë shëndetësore dhe kanë kërkuar të vazhdojnë garën.
Carlos Sainz Sr., një figurë ikonike në botën e garave me Rally, ka fituar dy tituj kampion bote në këtë sport në vitet 1990 dhe 1992 me Toyota. Përvoja dhe aftësia e tij në menaxhimin e situatave ekstreme e bëjnë atë një ndër pilotët më të respektuar në këtë disiplinë.
