Më shumë se 60 milionë amerikanë në mbi 30 shtete janë përfshirë nga një stuhi masive dimërore, e cila po sjell reshjet më të mëdha të borës dhe temperaturat më të ulëta të regjistruara në mbi një dekadë.

Një vorbull polare ka sjellë masa të ftohta ajrore nga Arktiku në rajonet qendrore të SHBA-së, duke shkaktuar moti ekstrem në disa shtete.

Pasojat e stuhisë:
• Mijëra fluturime janë vonuar ose anuluar.
• Rrugë të shumta janë bllokuar për shkak të reshjeve të dendura të borës dhe ngricave.
• Shkollat janë mbyllur në shumë rajone për arsye sigurie.

Gjendje e jashtëzakonshme është shpallur në disa shtete, përfshirë Kentaki, Virxhinia Perëndimore, Arkansas dhe pjesë të Nju Xhersit.

Rajonet më të prekura janë Kansas dhe Misuri, ku reshjet e borës kanë arritur deri në 30 cm në disa zona. Po ashtu, stuhia pritet të përfshijë edhe kryeqytetin Uashington D.C. dhe rrethinat e tij.

Sipas parashikimeve të meteorologëve, kushtet ekstreme të motit pritet të fillojnë të qetësohen në ditët në vijim, por autoritetet vazhdojnë të apelojnë për kujdes të shtuar dhe shmangien e udhëtimeve të panevojshme deri në përmirësimin e situatës.