Një 61-vjeçar nga Finiqi është arrestuar në Sarandë pasi u kap duke shitur celularë dhe aksesorë të dyshuar si mallra kontrabandë. Arrestimi i shtetasit B. Ç., u realizua nga Seksioni për Hetimin e Krimeve Ekonomike dhe Financiare në DVP Vlorë, si pjesë e operacionit për goditjen e aktiviteteve të kontrabandës.

Sipas policisë, 61-vjeçari po shiste mallra pa dokumentacion të rregullt në lagjen nr. 2 të Sarandës. Gjatë kontrollit, u sekuestruan 34 aparate celularë, mbi 350 aksesorë celularësh, ora dore të markave të ndryshme, me një vlerë të përafërt prej 20,000 euro.

B. Ç. akuzohet për disa vepra penale, përfshirë “Tregtimi i mallrave kontrabandë”, “Ruajtja e mallrave kontrabandë”, “Punësimi i paligjshëm”, “Fshehja e të ardhurave” dhe “Ushtrimi i aktivitetit tregtar të paregjistruar”.