Ambasadorja e Shqipërisë në Greqi, Luela Hajdaraga, vizitoi sot për herë të tretë Kryepeshkopin Anastas Janullatos, i cili është shtruar në spitalin “Ungjillëzimi” në Athinë. Kryepeshkopi, i cili iu nënshtrua një operacioni të rëndë për gjakderdhje gastrike, është aktualisht i intubuar në reanimacion. Mjekët kanë njoftuar se 48 orët e ardhshme janë kritike për gjendjen e tij shëndetësore.

Pas një periudhe trajtimi në Tiranë, ku fillimisht ishte diagnostikuar me një virus sezonal, shëndeti i tij u përkeqësua, duke përfshirë hemorragjinë, që kërkoi urgjent transferimin e tij në Athinë. Atje, mjekët grekë po monitorojnë gjendjen e tij me kujdes të shtuar, ndërsa shëndeti i tij konsiderohet ende të jetë në rrezik të lartë.