Ish-banorja e BBVK 2, Edona James, ka kryer një operacion për reduktimin e gjoksit në Turqi, një proces që u ndoq nga afër nga emisioni “Prive”. Operacioni, i cili fillimisht mendohej të ishte i thjeshtë, zgjati plot 8 orë për shkak të ndërlikimeve të papritura.

Dëshira e Edonës ishte që gjoksi i saj, i cili së bashku arrinte një peshë prej 3 kilogramësh, të reduktohej në rreth 700 gramë për secilin. Mjeku zbuloi se njëri prej gjinve, sidomos ai i majti, ishte në gjendje shumë të keqe dhe ndërhyrja ishte e domosdoshme për të shmangur komplikacione serioze, përfshirë rrezikun e një tumori.

“Operacioni ishte i ndërlikuar për shkak të gjendjes së gjinjve dhe përfundoi me sukses falë teknikave të veçanta të qepjes,” shpjegoi mjeku.

Reagimi i Edonës pas operacionit

Pasi doli nga salla e operacionit, Edona shfaqi një humor të mirëfilltë, duke kënduar dhe shprehur gëzim për rezultatin. Megjithatë, kur kuptoi vështirësinë e operacionit, ajo deklaroi:

“S’ka më operacione. Shyqyr që shpëtova. 8 orë operacion! Kur u zgjova dhe pashë veten, u gëzova.”

Një histori me shumë ndërhyrje kirurgjikale

Edona James nuk e fsheh faktin se ka kryer disa operacione plastike më parë, përfshirë:

•Gjininë – tri herë;

•Hundën – dy herë;

•Gjoksin – gjashtë herë.

Duke iu përgjigjur me humor pyetjeve për numrin e operacioneve të saj, ajo tha:

“Më pyet njëherë sa operacione nuk kam bërë.”

Pavarësisht ndërlikimeve dhe kohës së gjatë të ndërhyrjes, Edona duket e kënaqur me rezultatin, duke theksuar se kjo ishte ndërhyrja e fundit në trupin e saj. Operacioni është përshkruar si një sukses i rëndësishëm për shëndetin dhe mirëqenien e saj.