Një telefonatë alarmuese ka njoftuar policinë e Vlorës dhe forcat e ndërhyrjes së shpejtë (FNSH) për një tentativë vjedhjeje në lagjen “28 Nëntori” të qytetit. Ngjarja ndodhi në zonën e ish-frigoriferit, ku një roje objekti në ndërtim ka raportuar se një person kishte hyrë në një godinë tetëkatëshe, ende në ndërtim, dhe po tentonte të vjedhë kabllo elektrike, dyer dhe dritare.

Kjo godinë është pjesë e një kompleksi që po ndërtohet për banesa me kosto të ulët për çiftet e reja dhe personat në nevojë. Policia mbërriti menjëherë në vendngjarje dhe ka rrethuar zonën, duke nisur kontrollet për identifikimin dhe kapjen e autorit të dyshuar. Hetimet janë duke vijuar për të zbardhur rrethanat e ngjarjes dhe për të konfirmuar nëse personi është ndaluar.