Gazetari i njohur Arjan Konomi mbajti një fjalim të fuqishëm gjatë takimit të Lëvizjes “Shqipëria Bëhet” në Shkodër. Ai shprehu shqetësimin për vështirësitë që hasin qytetarët shqiptarë për të ndërtuar një jetë dhe një biznes të ndershëm në vend.

“Nëse nuk ke lidhje me politikën, gangsterët apo mbështetjen e bandave, nuk arrin dot të bësh asgjë në mënyrë të ndershme, qoftë edhe biznesin më inteligjent që mund të kesh menduar,” u shpreh Konomi.

Në vijim të fjalës së tij, gazetari përmendi rëndësinë e votës së diasporës shqiptare në zgjedhjet e ardhshme, duke e cilësuar atë si një shpresë të madhe për ndryshim:
“Shqiptarët nëpër botë, të cilët për herë të parë do të votojnë për parlamentin dhe qeverinë e ardhshme, janë një shpresë e madhe sepse ata nuk manipulohen dhe nuk blihen nga kompromiset, ashtu si shumë prej jush.”

Deklaratat e tij kanë ngjallur reagime dhe kanë rritur interesin për rolin e diasporës në zgjedhjet e ardhshme.