Një ngjarje e rëndë ka ndodhur në Zall Bastar, ku është gjetur i vdekur 81-vjeçari Xhemal Meta. Sipas informacionit të policisë, trupi i tij u gjet pa shenja jete në oborrin e banesës së tij më 13 janar 2025, rreth orës 09:00. Policia ka nisur hetimet dhe dyshohet se vdekja mund të ketë ardhur si pasojë e një vrasjeje.
Disa shenja të konstatuara në trupin e 81-vjeçarit kanë nxitur dyshimet për dhunë, ndërkohë që pritet të bëhet një ekspertizë mjeko-ligjore për të përcaktuar shkakun e saktë të vdekjes. Grupi hetimor është angazhuar për zbardhjen e rrethanave dhe sqarimin e ngjarjes.
