Një ngjarje e trishtuar është regjistruar në lumin “Drini i Bardhë”, në afërsi të urës së fshatit Rugovë, ku është gjetur një trup i pa jetë. Policia e Kosovës ka konfirmuar se viktima është Arban Hisari, i lindur në vitin 1998, i cili ishte raportuar i zhdukur nga familjarët.

Sipas zëdhënësit të Policisë për rajonin e Prizrenit, Shaqir Bytyqi, hetuesit nga Sektori Rajonal i Hetimeve në Prizren dhe zyrtarët e Policisë së Gjakovës janë drejtuar në vendngjarje, ku kanë gjetur trupin e pajetë. Në rrobat e viktimës janë gjetur dokumente personale, përfshirë patentën e shoferit dhe një informacion që konfirmon identitetin e tij si Arban Hisari.

Për ngjarjen është informuar prokurori i shtetit dhe hetimet vazhdojnë për sqarimin e rrethanave të vdekjes.