Gazetarja e njohur Dasara Karaiska ka bërë një deklaratë që ka trazuar rrjetet sociale, duke aluduar për orientimin seksual të këngëtarit Jozi, pjesë e Big Brother VIP Albania 4.

Përmes një videoje të publikuar në Instagram, Karaiska ka pretenduar se Jozi është në një marrëdhënie me një partner të deklaruar gay. Ajo ka ndarë detaje që sugjerojnë se këngëtari ka bashkëjetuar me partnerin e tij në Zvicër dhe Milano.

“Mua më vjen aq keq për atë partnerin e Jozit me të cilin Jozi ka bashkëjetuar në Zvicër e në Milano, se në fund të fundit ai i ziu është gay i deklaruar në një marrëdhënie me Jozin dhe sikur nuk është e drejtë nga ana ime të ia denigroj figurën,” tha gazetarja në videon e saj.

Karaiska gjithashtu la të kuptohet se partneri i supozuar i Jozit ka foto profili këngëtarin në Instagram dhe sugjeroi se mund të publikojë më shumë detaje nëse situata eskalon.

Deklarata e saj ka shkaktuar debate të shumta në rrjetet sociale, me ndjekës të ndarë mes mbështetjes dhe kritikave ndaj gazetares për mënyrën e trajtimit të këtij informacioni privat.

Ende nuk ka pasur një reagim publik nga Jozi lidhur me këto pretendime. Fansat e tij janë në pritje të sqarimeve nga këngëtari apo nga produksioni i Big Brother VIP Albania 4.

Ngjarja mbetet në zhvillim.