Një moment emocional dhe i tensionuar ka ndodhur në shtëpinë e Big Brother VIP Albania, ku këngëtarja Rozana Radi u prek thellë pas një debati me aktoren Gerta Gixhari. Pas situatës së krijuar, Rozana shpërtheu në lot në lavanderi, duke ndarë dhimbjen dhe vështirësitë personale që i janë kujtuar gjatë përplasjes.
“Ku e di ajo pse kam ardhur unë këtu, ku e di? Shkova iu qajta unë asaj? Kam qarë në ndonjë vend? S’kam qarë në asnjë vend!” – tha këngëtarja me zërin e dridhur, duke nënkuptuar se debatet kanë prekur tema të ndjeshme për të.
Në vijim, Radi shpjegoi se pasionet dhe lufta e saj për një dëshirë të madhe jetësore kanë qenë të përhershme dhe të mundimshme. Ajo tregoi:
“Çfarë faji më ka ai që kam jashtë unë, që unë kam gjithë këto vite që luftoj? Më shumë shkoj unë në spital se doktorët. Unë jam pa shtëpi vetëm për këtë gjë dhe ajo mua ma kujton. Unë s’kam marrë një rrogë timen ta harxhoj, sepse unë gjithë rrogën time sa kam vendosur që të kem fëmijë e kam harxhuar për këtë gjënë dhe ajo më thotë mua që ‘Unë kam një gjë që ti s’e ke’.”
Fjalët e Rozanës kanë prekur jo vetëm banorët e shtëpisë, por edhe ndjekësit e programit që kanë ndjerë dhimbjen dhe luftën e saj personale. Publiku ka reaguar masivisht në rrjetet sociale, duke shprehur mbështetje dhe solidaritet për këngëtaren.
Big Brother VIP Albania mbetet një arenë ku banorët, përveç sfidave të lojës, përballen me ndjenjat dhe historitë e tyre të vërteta, duke krijuar momente të papërsëritshme emocionale.
