Sot në shtëpinë e Big Brother VIP 4, tensionet mes banorëve kanë qenë të larta, duke sjellë debate me tone të ashpra dhe madje edhe ofendime. Në mes të kësaj atmosfere të ngarkuar, një situatë e pakëndshme ndodhi mes Eglit dhe Gjestit, e cila përfundoi me lot nga ana e Eglit.
Teksa Egli, Gerta dhe Livia ishin ulur në tavolinën e ngrënies së bashku me Gjestin, u ngrit pyetja nëse ky i fundit kishte pëlqim për ndonjë vajzë brenda shtëpisë. Në këtë moment, Xumi ndërhyri duke i kujtuar Gjestit një situatë të ndodhur në BBV Kosova, ku një tjetër banor i kishte marrë vajzën që ai pëlqente.
“Ka ardhë tjetri e ia mori sy për sy,” tha Xumi, ndërsa Gjesti iu përgjigj me shaka: “Erdha unë e ta mora ty,” duke iu referuar lidhjes së tij me Eglin.
Xumi vazhdoi me batuta, duke imituar Gjestin dhe duke i thënë: “Ta ka dridh Edi themelin, t’a ka marrë femrën. Unë e pëlqej, po ma mori Edi.” Nga ana tjetër, Gjesti e imitoi Xumin, duke iu përgjigjur në të njëjtën mënyrë.
Pas këtij shkëmbimi, Gjesti i kërkoi falje Eglit, e cila i tha një “Ok” të shkurtër, por më pas u largua drejt tualetit, ku shpërtheu në lot. Edhe aty, Gjesti vazhdoi të kërkonte falje, duke tentuar ta qetësonte atë.
Situata mes dy banorëve mbetet e paqartë, ndërsa mbetet për t’u parë nëse do të ketë një sqarim të mëtejshëm mes tyre në orët në vijim.
