Rusia planifikon të kërkojë që Ukraina të ndërpresë në mënyrë drastike lidhjet e saj ushtarake me NATO-n gjatë bisedimeve të mundshme me presidentin e zgjedhur të SHBA-së, Donald Trump. Sipas një raporti të Bloomberg, burimet e njohura me përgatitjet e Moskevës kanë thënë se Kremlini kërkon që Ukraina të bëhet një shtet neutral me një ushtri të kufizuar, duke ofruar mundësi për armë të siguruara përmes marrëveshjeve dypalëshe me anëtarë të NATO-s, por me kufizime të rrepta në përdorimin e tyre.

Burimet theksojnë se Rusia është e kundër për përdorimin e këtyre armëve kundër forcave ruse ose për rimarrjen e territoreve që aktualisht janë nën kontrollin e Moskvës. Po ashtu, kushtet e bisedimeve të Rusisë përfshijnë mbajtjen e kontrollit mbi rreth 20% të territorit të Ukrainës, përfshirë Krimenë, të cilën Rusia e aneksoi në vitin 2014.

Raporti gjithashtu nënvizon se Moska është e hapur për bisedime, përfshirë për “shkëmbime territoresh”, dhe se një takim mes Trump dhe Vladimir Putin është në përgatitje, edhe pse Kremlini ka theksuar se nuk ka pasur përgatitje thelbësore për një takim të tillë. Lufta Rusi-Ukrainë ka shkaktuar tensione të vazhdueshme territoriale dhe marrëdhënie ndërkombëtare të tensionuara.