Një 32-vjeçar shqiptar ka rënë në prangat e policisë italiane pas një serie plaçkitjesh në kodrat e Torinos. Sipas mediave vendase, i riu tentoi të arratisej, por gjatë përpjekjes për t’u larguar, ai tentoi të godiste një efektiv policie. Si pasojë, polici ka pësuar dëmtime në gjymtyrë dhe do të qëndrojë për dy javë në spital për mjekim.

Policia tha se i arrestuari ka qenë së bashku me të paktën tre persona të tjerë, të cilët janë larguar me këmbë dhe kanë humbur gjurmët gjatë ndjekjes nëpër shkurret e zonës. Në bordin e makinës së kapur, janë gjetur mjete për vjedhje dhe sende të çmuara, të cilat ishin vjedhur në një grabitje të fundit. Policia po vazhdon hetimet për të identifikuar të tjerët e përfshirë në këtë aktivitet kriminal.