Policia e Vlorës ka shpallur në kërkim një 46-vjeçar, i cili dyshohet se mbante të fshehur në banesën e tij armë zjarri dhe municion të paligjshëm. Bëhet fjalë për Allush Kallullin, i cili është kapur me një pistoletë me silenciator dhe fishekë të paligjshëm, të cilët janë sekuestruar gjatë një kontrolli në banesën e tij.
Arma e zjarrit dhe pajisjet e sekuestruara do t’i dërgohen për ekzaminime të mëtejshme Institutit të Policisë Shkencore. Ndërkohë, materialet procedurale për këtë rast janë kaluar në Prokurorinë e Vlorës, e cila ka nisur hetimet për veprën penale “Mbajtja pa leje dhe prodhimi i armëve, armëve shpërthyese dhe i municionit”.
