Fier, 25 Janar 2025 – Një ngjarje tragjike ka ndodhur sot në lagjen “15 Tetori” të Fierit, ku një 70-vjeçar është gjetur pa shenja jete në ambientet e një lokali.

Sipas dëshmive nga vendi i ngjarjes, i moshuari, banor i zonës, ndodhej në lokal kur papritur nuk është ndier mirë. Menjëherë është thirrur ambulanca për t’i dhënë ndihmën e parë, por përpjekjet për ta shpëtuar kanë rezultuar të kota.

Policia dhe grupi hetimor ndodhen në vendngjarje dhe po punojnë për zbardhjen e rrethanave dhe përcaktimin e shkaqeve të vdekjes. Ekspertiza mjeko-ligjore pritet të japë konkluzionet përfundimtare.