Një aksident ka ndodhur mesditën e sotme në rrugën Transballkanike, e cila lidh qytetin e Vlorës me autostradën Fier-Vlorë. Një automjet tip Benz ka humbur kontrollin për shkak të shpejtësisë dhe është përplasur me një shtyllë ndriçimi.
Fatmirësisht, nga aksidenti nuk ka persona të lënduar, por janë shkaktuar vetëm dëme materiale. Drejtuesi i mjetit ndodhet në gjendje të mirë.
Policia dhe grupi hetimor kanë mbërritur në vendngjarje për të përcaktuar shkaqet e aksidentit dhe për të kryer veprimet e nevojshme procedurale.
