Lëvizja “Shqipëria Bëhet” ka zhvilluar një fundjavë intensive me takime në disa qytete të vendit, duke forcuar komunikimin me qytetarët dhe angazhimin me strukturat organizative.
📌 Takime në Kurbin dhe Lezhë
Sekretari i Përgjithshëm, Elton Laska, së bashku me anëtarët e Kryesisë, Erjon Selmani dhe Artur Makeshdedaj, zhvilluan takime me banorët dhe anëtarët e Lëvizjes në Kurbin dhe Lezhë. Diskutimet u përqendruan në sfidat lokale dhe mundësitë për zhvillim ekonomik e social.
📌 Angazhim në Elbasan dhe Berat
Ndërkohë, nënkryetarja Etleva Merko, Sekretari Organizativ Erion Muska, si dhe anëtarët e Kryesisë Voltian Hoxha dhe Eligert Hima, zhvilluan një takim me qytetarët e Selitës dhe Mollasit në Elbasan, ku u diskutuan problematikat dhe nevojat e komunitetit.
Më tej, përfaqësuesit e Lëvizjes takuan strukturat organizative në Berat, duke vijuar procesin e zgjerimit dhe forcimit të rrjetit të mbështetësve.
Lëvizja “Shqipëria Bëhet” vijon angazhimin për të ndërtuar një alternativë të fortë dhe për të sjellë ndryshime të prekshme për qytetarët në çdo cep të Shqipërisë.
