Fituesja e Big Brother VIP Albania 3, Egla Ceno, ka reaguar lidhur me ngjarjen e ndodhur mbrëmjen e së hënës në shtëpinë e Big Brother VIP Albania 4, ku Gerta Gixhari i hodhi alkool në sy banorit Gjesti, duke e detyruar të largohej për pak kohë për ndihmë mjekësore.

Në një koment të saj, Egla nuk pranoi krahasimet mes kësaj ngjarjeje dhe një episodi të ngjashëm gjatë edicionit të kaluar, ku ajo kishte përplasur një gotë alkooli mbi një tjetër banor.

“Jam e sigurt që do ta nxjerrin Gertën, ishte një gjest i dhunshëm dhe nuk kishte lidhje fare me atë që ndodhi vjet. Vjet unë jam përndjekur për të pirë alkool, për të më nxjerrë mua si pijanecë dhe unë veprova si çdo grua tjetër, e hodha në kokë në mënyrë paqësore, pa agresivitet.”

Egla theksoi se Gerta Gixhari gaboi rëndë, duke ndërhyrë në dasmën e organizuar brenda shtëpisë së BBVIP dhe duke shkaktuar tension mes banorëve.

“Këtë vit nuk kishte lidhje me Gertën, u fut aty për të prishur dasmën, lagu Loredanën, ku hynte aty? Unë Gertën e kam pëlqyer herë pas here, por këtë herë gaboi. Duhet të dalë.” – përfundoi Egla.