Një foto e publikuar nga vetë Redin Xheli në Instagram ka nxitur dyshime mbi identitetin e partnerit të Danja Kokës, një nga banoret e Big Brother VIP Albania 4.
Në imazhin që po qarkullon në rrjet, Danja dhe Redini shfaqen së bashku në Dubai, duke shijuar pushimet, çka ka rritur spekulimet se ai mund të jetë personi që Danja ka përmendur brenda shtëpisë si partnerin që e pret jashtë.
Vetë Danja ka pohuar gjatë qëndrimit të saj në BBVIP se është në një lidhje, por nuk ka dhënë asnjë detaj mbi identitetin e të dashurit të saj. Kjo ka bërë që fansat e reality show-t të spekulojnë nëse bëhet fjalë për Redinin, apo për dikë tjetër.
Ndërkohë, fotoja ka shkaktuar një valë reagimesh në rrjetet sociale, dhe publiku është në pritje për të parë nëse Danja do të japë ndonjë shpjegim pas daljes nga shtëpia.
