Një 68-vjeçar ka shpëtuar nga një tentativë për vetëvrasje pas ndërhyrjes së shpejtë të Policisë. Ngjarja ka ndodhur në rrugën “Niko Avrami” në Tiranë, ku burri ishte ngjitur në taracën e një objekti katërkatësh dhe kërcënonte se do të hidhej.

Shërbimet e Komisariatit të Policisë Nr. 4 ndërhynë menjëherë pas marrjes së njoftimit, duke arritur të zbresin shtetasin Q. Z., i cili dyshohet se ndodhej nën efektin e alkoolit. Pas shpëtimit, ai u dërgua në spital për ndihmë mjekësore.

Policia dyshon se motivi i këtij akti ka lidhje me një konflikt që ky shtetas ka pasur me familjarët e tij, lidhur me çështje pasurie. Ky çështje ishte trajtuar më herët nga Policia dhe është referuar në Prokurori. Hetimet për zbardhjen e plotë të rrethanave të ngjarjes vijojnë.