Policia e Shtetit ka reaguar pas njoftimit nga Drejtoria e Përgjithshme e Burgjeve për aratisjen e shtetasit Daut Laze nga Institucioni i Posaçëm Mjekësor në Shënkoll. 49-vjeçari është shpallur në kërkim dhe konsiderohet një person me rrezikshmëri shoqërore. Ai u arrestua në vitin 2021 për veprën penale “Dhuna në familje” dhe u vendos në masën e “Mjekimit të detyruar” në një institucion mjekësor në vitin 2024.
Në njoftimin e policisë, kërkohet ndihma e qytetarëve për të dhënë informacion mbi vendndodhjen e Daut Laze. Për çdo informacion që çon në kapjen e tij, Policia ofron një shpërblim prej 10,000 eurosh. Policia ka organizuar kontrolle intensive për të gjetur dhe arrestuar 49-vjeçarin.
Nëse keni informacion në lidhje me vendndodhjen e tij, jeni të lutur të kontaktoni menjëherë Policiën e Shtetit.
