Një autobus me targa të Kosovës është aksidentuar mbrëmjen e së mërkurës në autostradën pranë Donja Zdençinës, Kroaci.
Sipas mediave vendase, autobusi ka dalë nga rruga pasi shoferi humbi kontrollin e mjetit. Për pasojë, dy persona kanë pësuar dëmtime të lehta, ndërsa pjesa tjetër e pasagjerëve kanë shpëtuar pa lëndime serioze.
Në momentin e aksidentit, në autobus ndodheshin 26 pasagjerë dhe dy shoferë. Policia e Zagrebit ka konfirmuar se të gjithë pasagjerët kanë dalë nga dera e shoferit dhe janë jashtë rrezikut.
Autoritetet kroate po hetojnë rrethanat e plota të aksidentit.
