Adriatik Lapaj, një nga figurat kryesore të Lëvizjes “Shqipëria Bëhet”, ka reaguar sot përmes një postimi në rrjetet sociale ndaj sulmeve që i janë bërë kohët e fundit. Ai e cilëson këtë një përpjekje të “zgjatimeve të politikës së vjetër” për të njollosur angazhimin e tij.

“Në respekt tuaj sot do të përballem për shpifjet e bëra nga zgjatimet e politikës së vjetër! Më vjen keq që më duhet të ndalem sot e të merrem me zgjatimet dhe jo me pronarët politik! Në jetë kurrë nuk jam fshehur pas gishtit. Krenar për çdo sekond të jetës time! Balta e tyre do jetë humus i rrugës sime të shenjtë! Unë e di sa baltë do duhet të duroj, por do i’a dalim!”, shkruan Lapaj.

Ky qëndrim vjen në një moment kur Lëvizja “Shqipëria Bëhet” po forcon praninë e saj në skenën politike, duke sfiduar partitë tradicionale dhe duke ofruar një alternativë të re për qytetarët. Përplasja mes vizionit të ri dhe politikës së vjetër duket se po bëhet gjithnjë e më e ashpër, ndërsa mbështetësit e Lapajt e shohin atë si një figurë të qëndrueshme që nuk i trembet përballjeve politike.