Një aksident i rëndë ka ndodhur këtë mëngjes në kryeqytetin polak, Varshavë, ku dy tramvaje janë përplasur në lagjen Wilanow. Sipas raportimeve, një tramvaj ka goditur një tjetër që ishte ndalur, duke shkaktuar dëme të konsiderueshme. Si pasojë e përplasjes, gjashtë persona kanë mbetur të plagosur, përfshirë dy fëmijë dhe një shofer. Ata janë transportuar me urgjencë në spital për marrjen e trajtimit të nevojshëm.
Një zjarrfikës në vendngjarje ka konfirmuar dëmtimet dhe ka theksuar se ekspertët po punojnë për të hetuar shkaqet e aksidentit. Përfaqësuesi i shoqërisë administruese të tramvajeve ka siguruar gjithashtu se asnjë nga drejtuesit e mjeteve nuk ka qenë nën efektin e alkoolit në momentin e aksidentit. Hetimet për rrethanat e aksidentit janë duke vazhduar.
