Një 28-vjeçar shqiptar është arrestuar në Riccione, Itali, pas një kontrolli të detajuar nga karabinierët.

Ai u vërejt duke bërë lëvizje të dyshimta me makinën, dhe gjatë kontrollit shfaqte shenja nervozizmi, duke ngritur dyshime te autoritetet.

Pas verifikimit, u gjetën 200 gramë kokainë të fshehura në dorezën dhe sediljen e makinës, si dhe një peshore precize dhe materiale paketimi. Po ashtu, u sekuestruan 1000 euro cash, të cilat mendohet se janë fituar nga shitja e drogës.