Egli dhe Gjesti kanë zhvilluar një bisedë të gjatë gjatë një sfide të “Storm” në “Big Brother VIP 4”, duke diskutuar mbi dinamikat e lojës dhe qëndrimet e tyre brenda shtëpisë.

Teksa Egli i ka rikujtuar se ai i kishte thënë që nuk e përfshin në strategjinë e tij, ajo dyshon tashmë se mund të jetë e para që ai do të eliminojë.

Pjesë nga biseda:

Gjesti: Para se të flasësh, mos mendo gjëra pa lidhje siç do ti.
Egli: Zemër, unë i mendoj me atë tendencë që i bën ti.
Egli: Mos e manipulo situatën, unë të kam besuar kur më ke thënë se ‘ty nuk të kam pjesë të lojës’ dhe unë s’të kam bërë kurrë lojë dhe s’do ta bëj.
Gjesti: Mos më lodh më, kisha pas qejf mos me më lodh më.
Egli: Atëherë edhe ti kujdes me veprimet që bën.
Egli: Të kam lënë limitet shumë të hapura dhe ti e di mirë.
Gjesti: Nuk mundem me duruar, do zbres.
Egli: Mua më ke thënë që nuk ke lojë me mua, por mua do më nxjerrësh të parën nga shtëpia. Shpresoj të mos ketë qenë ky qëllimi yt.

Biseda mes dy banorëve tregon tensionin dhe pasiguritë që po rriten brenda shtëpisë, duke bërë që strategjitë dhe besimi mes tyre të vihen në pikëpyetje. A do të vazhdojë raporti i tyre apo loja do t’i vendosë në kahe të kundërta?