Kryeministri i Kosovës, Albin Kurti, ka ftuar qytetarët që të dalin masivisht dhe ta shfrytëzojnë të drejtën e tyre për të votuar në zgjedhjet e sotme.

Në një mesazh dhënë në tre gjuhë – shqip, anglisht dhe serbisht – ai theksoi rëndësinë e votës si një mjet demokratik për të bërë që zëri i qytetarëve të dëgjohet.

“Dita e re dhe mot me diell për zgjedhjet e para të rregullta parlamentare në shtetin sovran të Kosovës. Inkurajoj çdo njërin që të votojë. Ushtroni të drejtën demokratike për ta bërë zërin tuaj të dëgjohet. Përdorni shansin e lirisë për të vendosur për 4 vitet e ardhshme”, u shpreh Kurti.

Këto zgjedhje konsiderohen një moment kyç për Kosovën, ku qytetarët do të kenë mundësinë të vendosin për të ardhmen e tyre politike dhe institucionale.