Kryeministri Edi Rama ka njoftuar se Shqipëria është zgjedhur si Vendi i Nderit në panairin më të madh global të turizmit, ITB Berlin. Në një postim në rrjetet sociale, Rama ka theksuar se në pak javë Shqipëria do të prezantohet atje nga organizatorët, duke i dhënë një pasqyrë të re dhe të pabesueshme turizmit shqiptar. Ai ka shprehur krenarinë për këtë nder dhe ka uruar qytetarët për një të diel të paqtë, duke shoqëruar postimin me një video.
“MIRËMËNGJES dhe me Shqipërinë e të gjitha ndjesive, që këtë vit është zgjedhur si Vendi i Nderit në panairin më të madh global të turizmit, ITB Berlin, e për pak javë do të prezantohet atje nga organizatorët ashtu siç nuk mund të imagjinohej deri vetëm disa vite më parë, ju uroj një të diel të paqtë”, shkruan Rama teksa publikon edhe një video.
