Kreu i Aleancës për Ardhmërinë e Kosovës (AAK), Ramush Haradinaj, ka votuar sot në zgjedhjet e Kosovës bashkë me familjen e tij. Pas votimit, ai iu drejtua mediave duke theksuar rëndësinë e pjesëmarrjes në procesin zgjedhor dhe bëri thirrje për qytetarët që të dalin në numër të madh për të ushtruar të drejtën e tyre të votës.
“Vota juaj ka vlerë vetëm në kuti,” tha Haradinaj, duke shtuar se Kosova ka nevojë për çdo votë. Ai gjithashtu njoftoi se dy fëmijët e tij votuan për herë të parë, duke e cilësuar këtë një moment të rëndësishëm për familjen e tij.
