Besian Mustafa nga Lidhja Demokratike e Kosovës (LDK) ka deklaruar se të dhënat preliminare nga komisionarët përputhen me rezultatet e Exit Poll-it të realizuar nga vetë LDK.

Sipas tij, LDK ka dalë e dyta në Exit Poll-in e saj, bazuar në rreth 18 mijë respondentë, me një rezultat prej 24% të votave. Mustafa theksoi se krahasuar me zgjedhjet e kaluara, LDK ka shënuar një dyfishim të votave dhe pret që votat nga diaspora ta rrisin përqindjen e saj me 2-3%.

“LDK ka së paku dyfishim nga zgjedhjet e kaluara. Presim një rezultat të shkëlqyeshëm nga diaspora që do ta rrisë LDK-në për 2-3 për qind”, tha Mustafa.