Në një intervistë për rubrikën Sy m’sy, Kryeministri Edi Rama ka theksuar se Shqipëria ka disa vite që po lufton kundër korrupsionit. Sipas tij, qeveria ka realizuar reforma të rëndësishme për modernizimin e shërbimeve, duke i transformuar ato nga të korruptuara në shërbime më të zhvilluara dhe moderne.

Rama gjithashtu ka reaguar për fushatën elektorale të Partisë Demokratike, e cila do të drejtohet nga konsulenti i fushatës së Donald Trump, Chris LaCivita. Ai e cilësoi këtë si një “ditë masturbimi” për ata që janë lidhur me “trumpistët e vetëshpallur”, duke ironizuar me përzgjedhjen e LaCivita dhe duke theksuar se ky i fundit ka punuar me fushatën e ish-presidentit amerikan.

Në një moment të tensionuar, pas ndërprerjes së transmetimit, Rama reagoi me nervozizëm, duke përplasur tavolinën dhe duke thënë një shprehje të ashpër: “Fuck you! Mos u tremb se jam njeri pasionant. Kam shpërthimet e mia, kur nuk bëhet goli para portës!”

Kryeministri gjithashtu është i pritur të reagojë në lidhje me arrestimin e Kryetarit të Bashkisë së Tiranës, Erion Veliaj, i cili është një figurë kyçe e qeverisë së tij.