Ka nisur mbledhja e grupit parlamentar të Partisë Socialiste në Kryesinë e Kuvendit, ku kryeministri Edi Rama ka mbajtur një qëndrim të fortë mbi hetimet e fundit të drejtësisë, përfshirë çështjen e arrestimit të kryebashkiakut të Tiranës, Erion Veliaj, dhe përfshirjen e deputetes Klotilda Bushka në hetime.

Rama theksoi se PS nuk do të mbrojë askënd që hetohet nga drejtësia, por njëkohësisht nuk do të heshtë përballë shkeljeve apo abuzimeve të mundshme në procesin e hetimeve.

“Nuk do të japim pafajësi për askënd që hetohet nga drejtësia, por ndryshe nga deri dje, nuk do të heshtim më përballë shkeljeve të kujtdoqoftë që ushtrimin e forcës së konsoliduar tashmë të pavarësisë, sepse vetëm një maskara mund të thotë që paskëtaj ne kontrollojmë drejtësinë. Jo, ne kemi marrë zyrtarisht certifikatën që duart tona janë larg drejtësisë.

Por nuk jemi hunj gardhi që të përcjellim lajme e të mos themi asgjë kur biem në gjurmë me ose pa dashje të episodeve si ky,” u shpreh Rama.

Deklarata e kryeministrit vjen në një moment kritik për Partinë Socialiste, teksa hetimet e SPAK kanë përfshirë figura të rëndësishme të saj, duke sjellë debat të gjerë politik dhe institucional.