Këngëtari i njohur Blero Muharremi ka ndarë një moment të bukur nga jeta e tij personale, duke treguar se po shijon një lidhje të re dashurie. Ai postoi një fotografi nga një restorant në prag të Shën Valentinit, duke sugjeruar se është duke kaluar këtë ditë speciale me partneren e tij. Megjithatë, Blero ka zgjedhur të mos e zbulojë identitetin e partneres.

Ajo çka ka tërhequr vëmendjen e të gjithëve është mbishkrimi që Blero ka shtuar nën fotografinë e tij: “Dita e parë e Shën Valentinit, gëzuar edhe ex-ave të mi”. Ky dedikim ka ngjallur dyshime të shumta mes ndjekësve të tij, të cilët kanë menduar se ai mund të jetë duke iu referuar ish-të dashurës së tij, Afrona Dikës.

Megjithatë, deri më tani, asgjë nuk është konfirmuar dhe identiteti i partneres mbetet një mister, duke lënë hapur mundësinë për më shumë spekulime.