Suksesi i “Big Brother VIP” ka kaluar kufijtë e një spektakli televiziv, duke u shndërruar në një fenomen social të vërtetë. Për të plotësuar këtë interes të madh, Top Albania Radio ka ngritur një studio radiofonike brenda shtëpisë më të vëzhguar në Shqipëri, ku banorët ndajnë eksperiencat dhe emocionet e tyre në një program të mirëfilltë radiofonik.
Në një nga episodet më të fundit, Egli ka qenë e ftuar në një intervistë me Rozanën dhe Danjën, ku është përballur me pyetje pikante. Një nga temat më të diskutuara ka qenë marrëdhënia e saj me Aldon.
Pjesë nga intervista:
Danja: Ku është miqësia juaj?
Egli: I pari që e prishi miqësinë ishte ai, deri në pikën ku kanë ardhur ofeza, ngritje zëri dhe pyetje tendencioze. Kur diskuton gjërat tona me një banore që nuk ka marrëdhënie të mirë me mua, unë e quaj tradhti.
Ky rrëfim ka ngjallur shumë reagime nga ndjekësit e Big Brother VIP, duke sjellë debate të reja rreth dinamikave dhe marrëdhënieve mes banorëve.
