Këngëtarja shqiptare me famë botërore, Rita Ora, ka uruar Kosovën për Ditën e Pavarësisë përmes disa InstaStory-ve në llogarinë e saj zyrtare në Instagram. Në këtë ditë historike për atdheun e saj, Rita ka shpërndarë momente të veçanta nga koncertet e saj në Kosovë dhe Shqipëri, duke kujtuar lidhjen e saj të fortë me vendin.
Artistja gjithashtu ka ndarë me ndjekësit imazhe ku duket e veshur me një kostum tradicional, një detaj i veçantë që ka bërë pjesë të videoklipeve të saj. Pavarësia e Kosovës ka qenë një moment i rëndësishëm për Rita Ora-n, dhe ajo ka zgjedhur ta festojë në mënyrën më të bukur, duke e ndarë gëzimin me fansat e saj.
