Richard Grenell, ish-dërguar i posaçëm i Donald Trump për dialogun ndërmjet Kosovës dhe Serbisë, ka uruar sot Kosovën për 17-vjetorin e Pavarësisë së saj. Përmes një postimi në platformën “X”, Grenell theksoi se ky moment historik për Kosovën është errësuar nga një padrejtësi e madhe, për shkak të mbajtjes së Hashim Thaçit në Hagë. Ai ka kritikuar Bashkimin Evropian për dështimin që të veprojë kundër këtij akti të padrejtë në pesë vitet e fundit.
Në lidhje me këtë deklaratë, kryeministri shqiptar, Edi Rama, ka reaguar në platformën “X”, duke mbështetur fjalët e Grenell. Rama ka shkruar: “Absolutisht! Sa më shumë të vazhdojë, aq më e madhe është njolla në organin ndërkombëtar të drejtësisë”.
