I dërguari i posaçëm i SHBA-së për Ukrainën, Keith Kellogg, dhe presidenti ukrainas, Volodymyr Zelensky, po zhvillojnë një takim në Kiev. BBC ka raportuar se një konferencë e përbashkët për shtyp, e planifikuar fillimisht, është anuluar.

Mediat kanë mundur të marrin vetëm disa pamje nga fillimi i takimit, përpara se kamerat të nxirreshin jashtë. Aktualisht, nuk dihet ende kur dhe si do të bëhet publike përmbajtja e bisedimeve mes dy liderëve.

Takimi vjen në një moment të rëndësishëm, ndërsa Ukraina vijon të kërkojë mbështetje të mëtejshme ushtarake dhe financiare nga Shtetet e Bashkuara në luftën kundër Rusisë.