Komisioni Qendror i Zgjedhjeve në Kosovë ka përfunduar numërimin e të gjitha votave të zgjedhjeve parlamentare, ndërsa rezultatet e plota u publikuan sot.
Sipas të dhënave zyrtare, Lëvizja Vetëvendosje (LVV) ka siguruar 342,281 vota, që përfaqësojnë 40.80% të totalit. Në përditësimin e mëparshëm, kur mbeteshin edhe shtatë vendvotime për t’u procesuar, LVV kishte 341,672 vota (40.84%). Kjo tregon një rritje prej 609 votash pas numërimit përfundimtar.
Rezultatet e plota të zgjedhjeve pritet të sjellin edhe një panoramë më të qartë për ndarjen e mandateve në Kuvendin e Kosovës.
