Një 24-vjeçar shqiptar është arrestuar nga policia greke në qytetin e Lamias, pasi u kap me drogë dhe armë në shtëpinë e tij. Gjatë kontrollit, autoritetet kanë gjetur dhe sekuestruar një sasi të konsiderueshme droge, përfshirë 4 pako kokaine me peshë totale 19.7 gram dhe 3 pako të improvizuara me marijuanë, me një peshë totale 200.5 gram.
Po ashtu, në banesën e tij u gjet dhe një pistoletë kalibër 9mm me karikator bosh, një shufër metalike e palosshme, 150 euro, 2 telefona celularë dhe ambalazhe të ndryshme najloni.
Hetimi paraprak është realizuar nga Nëndrejtoria e Prokurorisë dhe Hetimit të Krimit Lamia, ndërsa i arrestuari do të dërgohet në Prokurorinë e Shkallës së Parë për akuzat për drogë dhe armë.
